Tamil

இன்று அதிகாலை நான் சைக்கிள் ஓட்டிக் கொண்டிருந்தபோது, எனக்கு முன்னால் சுமார் அரை கிலோமீட்டர் தொலைவில் ஒருவர் மெதுவாக சைக்கிள் ஓட்டிச் செல்வதைக் கவனித்தேன். உடனே எனக்குள் ஒரு எண்ணம்: “இவரை நாம் முந்திவிட வேண்டும்!” வேகமாக மிதிக்கத் தொடங்கினேன். ஒவ்வொரு தெருவைக் கடக்கும்போதும் அவர் எனக்கு நெருங்கி வந்தார். சில நிமிடங்களிலேயே அவருக்குப் பின்னால் வெறும் சில அடிகள் தூரம்தான். மூச்சு வாங்க, உடலின் முழு பலத்தையும் கொடுத்து சைக்கிளை விரட்டினேன். இறுதியாக, அவரை முந்திச் சென்றேன்! மனதுக்குள் ஒரு அற்ப திருப்தி: “ஜெயிச்சிட்டேன்!” ஆனால், உண்மை என்ன தெரியுமா? அவருக்கு அப்படி ஒரு பந்தயம் நடப்பதே தெரியாது! ...

பயணங்கள் எப்போதும் நாம் திட்டமிட்டபடி அமைவதில்லை; ஆனால் எதிர்பாராமல் நடக்கும் சில திருப்புமுனைகளே காலத்துக்கும் நினைவில் நிற்கும் அழகிய கதைகளாக மாறுகின்றன. அது 2007-ஆம் ஆண்டு. ஆஸ்திரேலியாவின் மெல்போர்ன் நகரில் அலுவல் சார்ந்த பணிகளை முடித்துவிட்டு, மலேசியன் ஏர்லைன்ஸ் விமானத்தில் சென்னைக்குத் திரும்பிக் கொண்டிருந்தேன். கோலாலம்பூர் சர்வதேச விமான நிலையத்தில் இறங்கி, அங்கிருந்து சென்னைக்கான இணைப்பு விமானத்தைப் (Connecting flight) பிடிக்க வேண்டும் என்பதுதான் திட்டம். ஆனால் மலேசியாவில் தரையிறங்கியதும் ஓர் எதிர்பாராத அதிர்ச்சி காத்திருந்தது—சென்னை செல்ல வேண்டிய விமானம் தொழில்நுட்பக் காரணங்களால் திடீரென ரத்து செய்யப்பட்டுவிட்டது! ஹோட்டல் ஏற்பாடும், நீண்ட வேன் பயணமும் திடீரெனப் பயணம் தடைபட்டதில் லேசான குழப்பமும் சலிப்பும் சூழ்ந்தாலும், மலேசியன் ஏர்லைன்ஸ் நிர்வாகம் பயணிகளுக்குச் சிறப்பான மாற்று ஏற்பாடுகளைச் செய்தது. அடுத்த விமானம் புறப்படும் வரை தங்குவதற்காக, ஷா ஆலம் (Shah Alam) பகுதியில் உள்ள பிரபல ‘கான்கார்ட்’ நட்சத்திர ஹோட்டலில் (Concorde Hotel) அனைவருக்கும் ஆடம்பர அறைகளும் உணவும் ஏற்பாடு செய்யப்பட்டன. ...

பயத்தை ஜெயிக்கிறதுங்குறது (Transcending fear) பயமே இல்லாம மாத்துறது கிடையாது. பயத்துக்கும் நமக்கும் இருக்குற உறவை மாத்துறதுதான். பயம்ங்குறது நம்மள காப்பாத்த இருக்குற ஒரு தற்காப்பு குணம் (survival mechanism). ஆனா, அது அளவுக்கு அதிகமா போகும்போது, ஒரு சாதாரண தோல்வியையோ இல்ல மத்தவங்க முன்னாடி வர்ற அவமானத்தையோ, ஏதோ உயிருக்கே ஆபத்து வர்ற மாதிரி நம்மள நம்ப வச்சிடுது. பயத்துல இருந்து வெளிய வந்து, அதை கடந்து போக சில முக்கியமான வழிகள்: 1. Deconstruct the Ghost (பயத்தை பிரிச்சு மேயுறது) பயம் எப்பவும் ஒரு தெளிவில்லாத, இருட்டான இடத்துலதான் பெருசா வளரும். அதை அப்படியே விடாம, வெளிச்சத்துக்கு கொண்டு வரணும். ...

நம்மில் எத்தனை பேருக்கு தினசரி ஓட்டப்பந்தய Routine வாழ்க்கையிலிருந்து சட்டென்று ஒரு பிரேக் எடுத்துக்கொண்டு எங்காவது கிளம்ப வேண்டும் என்ற ஆசை இருந்திருக்கிறது? இந்த வாரம் வேலை நிமித்தமாக கோயம்புத்தூரிலிருந்து தஞ்சாவூருக்கு ஒரு பயணம் செய்ய வேண்டியிருந்தது. வேலை ஒருபுறம் இருந்தாலும், அந்த ரயில் பயணம் கொடுத்த நிம்மதியும், அனுபவமும் தான் இந்த பதிவின் ஸ்பெஷல்! அந்த நள்ளிரவு 12:30 குழப்பம் (A Classic Human Mistake!) கோயம்புத்தூரிலிருந்து மினிலைட் எக்ஸ்பிரஸ் போல கிளம்பும் செம்மொழி எக்ஸ்பிரஸில் டிக்கெட் புக் செய்திருந்தேன். ரயில்வே நேர கணக்கீட்டில் பலரும் செய்யும் ஒரு பொதுவான தவறு இருக்கிறது. நள்ளிரவு 12 மணி தாண்டினாலே அது அடுத்த நாளின் தேதியாக மாறிவிடும். 12:30 AM ரயில் என்றால், முந்தைய நாள் இரவே நாம் ரயில்வே ஸ்டேஷனில் இருக்க வேண்டும். ‘அடுத்த நாள் நைட்தானே ரயில்’ என்று நினைத்து பல பேர் ரயிலைத் தவறவிடுவதை பார்த்திருக்கிறோம். நல்லவேளையாக, நான் அலர்ட்டாக இருந்து சரியாக நள்ளிரவில் ஸ்டேஷனை அடைந்துவிட்டேன். ...

ஆண்டுத் தேர்வுகள் முடிந்து, ஏப்ரல் மாதம் விடைபெற்று, மே மாத கோடை விடுமுறை தொடங்குகிறது என்றாலே, எங்கள் வீட்டில் ஒருவிதமான உற்சாகம் தொற்றிக்கொள்ளும். அந்த மாதத்தின் மிக முக்கியமான, நான் ஆவலுடன் எதிர்பார்த்த நிகழ்வு: மதுரைக்கு, எங்கள் அம்மாச்சி வீட்டுக்குப் பயணம்! அம்மாவுடனும் தம்பியுடனும் சேர்ந்து நான் மேற்கொள்ளும் அந்தப் பயணம், இன்றும் என் நினைவுகளில் பசுமையாக இருக்கிறது. அரசுப் பள்ளியில் தமிழ் வழியில் பயின்ற அந்த எளிய நாட்களில், மதுரை என்றாலே அது ஏதோ ஒரு மாயாஜால உலகம் போல எனக்குத் தோன்றும். விடியலில் தொடங்கிய பயணம் பயண நாளன்று அதிகாலை 5 மணிக்கே எங்கள் வீடே பரபரப்பாகிவிடும். காளகத்திலிருந்து (Kaalagam) கிளம்பி, 5.15 மணி வாக்கில் ‘ஏ.கே.என்’ (AKN) பேருந்தைப் பிடித்து பேராவூரணி பேருந்து நிலையத்திற்குச் செல்வோம். ...